«Жасанды интеллект дәуіріндегі математика және информатика» онкүндігі басталды.
12.01.2026 күні С.Әшіров атындағы жалпы білім беретін мектепте «Алгорифм» пән-әдіс бірлестігінің ұйымдастыруымен математика және информатика пәндері онкүндігінің ашылуы болды.
Онкүндіктің негізгі мақсаты:
оқушылардың математика және информатика пәндеріне деген қызығушылығын арттыру;
жасанды интеллект, цифрлық технологиялар туралы білімдерін кеңейту;
логикалық, сыни және шығармашылық ойлау қабілеттерін дамыту;
дарынды, ізденімпаз, бәсекеге қабілетті тұлға қалыптастыру
Бұл онкүндік – оқушылар үшін өз білімін көрсетуге, ал ұстаздар үшін тәжірибе алмасуға үлкен мүмкіндік. Барша қатысушыларды белсенділік танытып, іс-шараларға атсалысуға шақырамыз.
Болашақ – білім мен технологияны меңгерген ұрпақтың қолында! 
