Отырар ауданы «Сейітқасым Әшіров атындағы жалпы білім беретін мектеп» коммуналдық мемлекеттік мекемесінде 14.11.2025 жылы «Адал азамат» біртұтас тәрбие бағдарламасының жоспарына сәйкес «Ата мен немере әңгімесі» тақырыбында «Аталар» мектебі мүшелері және мектеп оқушыларының қатысуымен тәрбиелік іс шара ұйымдастырылып өткізілді. Іс шара барысында «Ат ер қанаты» тақырыбындағы сахналық қойылым қойылып, мектеп мұғалімі Тұрсынбаев Бердібай мектеп оқушыларына ат әбзелдері туралы және балаларға жеті ата, жеті ұрпақ жалғастығы жөнінде мағұлматтар берді. Меккеге қажылық сапарға барып келген ұстаз М.Рысдәулетов қажылықты өтеу жолдары, Меккеден көрген таңғажайып дүниелер жөнінде әңгімеледі. Ауыл ақсақалы Әйменов Бекбатыр қажының «Ата мен немере әңгімесі» тақырыбындағы кітабында жазылған Бекбатыр қажының Меккедегі қажылық өтеген сәттері әңгімеленді. Тәрбиелік іс шараға қатысқан ауыл имамы Зәрнәби Нұрсұлтан мен ардагерлер ұйымының төрағасы Әбзейтов Әнуарбек мырзаларға оқушыларымыз салт дәстүрлеріміз және ұлттық тәлім тәрбие жөнінде сұрақтар қойып толық мағұлматтар алды.
