26.01.2026 жылы С. Әшіров атындағы жалпы білім беретін мектебінде “English and AI: A Step into the Future” тақырыбында ағылшын тілі онкүндігінің салтанатты ашылуы болып өтті. Іс-шара барысында оқушылар ағылшын тілінің заманауи технологиялармен, соның ішінде жасанды интеллектпен байланысы туралы мағлұмат алды. Сонымен қатар, жасанды интеллекттің білім беру саласындағы мүмкіндіктері, ағылшын тілін үйренудегі рөлі мен болашақтағы маңызы таныстырылды. Оқушылар өздерінің тілдік дағдыларын көрсетіп, шығармашылық тапсырмалар, интерактивті ойындар мен көріністер арқылы белсенділік танытты. Іс-шара танымдық әрі қызықты өтіп, қатысушыларға үлкен мотивация берді. Ағылшын тілі онкүндігі аясында алдағы күндері түрлі сайыстар, ашық сабақтар, зияткерлік ойындар мен шығармашылық жұмыстар ұйымдастырылып, оқушылардың тілге деген қызығушылығы мен цифрлық сауаттылығы арттырылады.
