Білім ордамызда тағы бір маңызды әрі тағылымы мол игі іс жүзеге асты. Мектебімізде ардақты аналарымыз Әуелбеков Назипа мен Тастанбекова Мәнтай аналардың атына арнайы қыздар еңбек кабинеті ашылып, оқушылар игілігіне табысталды.
Бұл заманауи талапқа сай жабдықталған кабинет – қыз балалардың еңбекке баулып, ұлттық құндылықтарды дәріптеуге, іскерлік пен шеберлікті дамытуға бағытталған маңызды білім мен тәрбие ошағы болмақ. Мұнда оқушылар қолөнер, тігін, тұрмыстық дағдыларды меңгеріп қана қоймай, шығармашылық қабілеттерін шыңдайды.
Осындай сауапты іске ұйытқы болған жандарға алғысымыз шексіз!
Өскелең ұрпақтың болашағы үшін жасалған әрбір қадам – ел ертеңіне салынған берік негіз.
