«Сергек» және «Өнер» бірлестіктерінің онкүндігі аясында
14 мамыр 2025 жылы 
«Тоқыма қыздар» үйірмесінің жетекшісі – Шарапова Макен Бакбергенкызы «Өнерлінің өрісі кең» атты шығармашылық көрме өтті.
Көрменің мақсаты – қазақтың бай ұлттық құндылықтарын дәріптей отырып, қолданбалы өнер туындыларының жасалу үдерісін көрсету және үйрету.
Көрмеде оқушылардың ұлттық нақыштағы қолөнер жұмыстары көпшілік назарына ұсынылды. Олар өз қолдарымен дайындаған:
«Сырмақ» тігу – ұлттық нақыштағы көркем бұйым;
«Тықыр» кілем тоқу – дәстүрлі тоқу әдісімен орындалған;
Ши өру – табиғи материалдармен өрнектелген;
Моншақтан жасалған бұйымдар – заманауи әрі ұлттық стильде;
«Шәлі» және орамал тоқу түрлері – нәзік те көркем өрнектермен безендірілген.
Қолдан жасалған барлық жұмыстар көрменің төрінен орын алып, сабақтың мақсатын айқындай түсті. Шығармашылық туындылар арқылы оқушылар ұлттық өнерге деген сүйіспеншіліктерін паш етті.
Бұл көрме – оқушылардың шығармашылық әлеуетін ашып, қолөнерге деген қызығушылығын арттыруға үлкен мүмкіндік болды. Ұлттық өнерді құрметтей отырып, оны заманауи бағытта жалғастыра білу – жастар тәрбиесіндегі маңызды бағыттардың бірі.
Көрмеден фотокөріністер мектеп өмірінің мазмұнды әрі тәрбиелік мәнге ие екенінің дәлелі болды.
Ұлттық өнер – ұлттың рухани байлығы. Осындай іс-шаралар арқылы жас ұрпақтың бойына салт-дәстүрге деген сүйіспеншілік пен құрмет қалыптасады.
Все реакции:
49Aigerim Almahanova, Dastan Tajiev и ещё 47
