ЖАЛПЫ АТА-АНАЛАР ЖИНАЛЫСЫ ӨТТІ
Отырар ауданы, Сейітқасым Әшіров атындағы жалпы білім беретін мектеп КММ
15 мамыр 2025 жылы
Аудандық білім бөлімінің 13.05.2025 жылғы №41-10/606 хатына сәйкес мектебімізде «Отбасы тәрбиесіндегі құндылықтар: өзектілігі және шешу жолдары» тақырыбында жалпыұлттық ата-аналар жиналысы ұйымдастырылып, өткізілді.
Жиын барысында мектептің педагог-психологы Ү. Райханова отбасы тәрбиесінде маңызды рөл атқаратын құндылықтар, олардың маңыздылығы мен туындайтын мәселелерді шешу жолдары туралы мазмұнды баяндама жасады.
Директордың тәрбие ісі жөніндегі орынбасары З. Әміртаев жазғы демалыс кезінде оқушылардың өмір қауіпсіздігін қамтамасыз ету, қауіптің алдын алу бағытында түсіндірме жұмыстарын жүргізді.
Мектеп директоры Ә. Әріпбек ҚР Оқу-ағарту министрлігінің бастамасына сәйкес «Білімім – Отаныма» атты мектеп бітіру іс-шарасының өткізілу тәртібі туралы хабарлама жасап, жиналысты қорытындылады.
Бұл кездесу – ата-аналар мен мектеп арасындағы байланысты нығайтып, оқушы тәрбиесінде бірлесе жұмыс істеудің маңызды алаңы болды.
