1 қыркүйек – Білім күні! 
Бүгін С. Әшіров атындағы жалпы білім беретін мектеп коммуналдық мемлекеттік мекемесінде жаңа 2025-2026 оқу жылының басталуына арналған салтанатты жиын өтті.
Іс-шара «Мектебім – мейірім мекені!» тақырыбында ұйымдастырылып, оған 1-сыныптың жас бүлдіршіндері мен 11-сынып түлектері қатысты.
Мектеп директорының оқу ісі жөніндегі орынбасары С. Бабашов, сондай-ақ ата-аналар комитетінің төрағасы Бейсее Орынбек пен Қоғам ауылдық әкімшілігінің бас маманы, іс басқарушысы Тасов Жасұлан Қалдыбайұлы жиналғандарды жаңа оқу жылының басталуымен құттықтап, сәттілік тіледі.
Өткен оқу жылының нәтижелері:
Барлығы: 21 сынып-комплект, 392 оқушы
Үздіктер: 77 оқушы
Екпінділер: 124 оқушы
Білім сапасы: 56,7 %
Орта балл: 3,9
Мектепалды даярлық: 2 топта 40 тәрбиеленуші
Негізгі орта білім: 5 оқушы «Үздік» аттестат алды
11-сынып түлектері: 34 бітіруші, оның ішінде 5-і «Алтын белгі», 2-і «Үздік» аттестат иегері
Педагогикалық құрам – 84 мұғалім:
1 педагог-шебер
26 педагог-зерттеуші
22 педагог-сарапшы
21 педагог-модератор
14 – жалпы санатты ұстаз
Салтанатты жиында патриоттық әндер шырқалып, оқушылар өлеңдер оқыды. 1-сынып бүлдіршіндерінің алғашқы қоңырауы ерекше қуанышқа бөледі.
Жаңа оқу жылы барша ұстаздар мен оқушылар үшін табысты әрі жемісті болсын!
