"Адал азамат" бағдарламасы аясындағы сайлау іс-шарасы
2025 жылдың 17 қазан күні Отырар ауданының білім бөліміне қарасты Сейітқасым Әшіров атындағы жалпы білім беретін мектебінде “Адал азамат” бағдарламасы аясында “Мектептің өзін-өзі басқару ұйымының құрылымын сайлау” іс-шарасы өтті.
Мақсаты:
Оқушылардың қарым-қатынас мәдениетін ізгілендіру, ұжым өмірін жариялылық пен еркіндікке негіздеу арқылы оларды қоғам мен мемлекетті басқару тетіктеріне бейімдеу, сондай-ақ өзін-өзі басқару ұйымының белсенді мүшелерін анықтау.
Іс-шара барысында президенттікке үміткер оқушылар өздерінің сайлауалды бағдарламаларымен таныстырды. Сайлау жекелеп дауыс беру арқылы әділ түрде өткізіліп, нәтижесінде ең жоғары дауыс жинаған 10-сынып оқушысы Қалдыбай Ақмаржан мектеп президенті болып сайланды.
Жаңа президентті шын жүректен құттықтаймыз!
