Берекелі әрі мерекелі күз айларында жоғары сынып оқушыларымен аталып өтетін кештердің бірі – «Алтын күз» мерекесі. «Сейітқасым Әшіров атындағы жалпы білім беретін мектеп» коммуналдық мемлекеттік мекемесінің ұстаздары Г.Каменова мен Б.Тұрсынбаевтың ұйымдастыруымен 9-11 сынып оқушылары арасында «Алтын күз» мерекесі өткізілді. Мақсаты: оқушылардың шығармашылық қабілеттерін қалыптастыру, табиғатқа, қоршаған ортаға сүйіспеншілігін арттыру, еңбекке баулу, эстетикалық тәрбие беру. Кеш барысында «Күз ханшайымы мен ханзадасы» сайысы өткізілді. Бұл сайыста 9 және 10 сынып оқушылары жоғары дәрежеде дайындалып, барлық тапсырмаларларды орындау барысында өз өнерлері мен білімдерін толық көрсетті. Ал сынып жетекшілері өз сыныптарында оқушылармен үлкен ұйымдастырушылық пен жауапкершіліктерін көрсетіп, дайындық жұмыстарын жүргізіп, оқушылардың ізденуі мен жан-жақты көзқарастарын қалыптастыра білген.
