«Сейітқасым Әшіров атындағы жалпы білім беретін мектеп» коммуналдық мемлекеттік мекемесінде сәуір айының он бесінші жұлдызында «Жасанды интеллект: бастауыш білімнің жаңа көкжиегі» тақырыбында «Өрімтал» пән-әдіс бірлестігінің онкүндік жоспарына сәйкес бастауыш сынып мұғалімі Түкібай Ләззат 4 “Ә” сыныбына «Дені саудың-жаны сау» спорттық ойын сабағын өткізді.
Мақсаты: Оқушыларды салауатты өмір салтына баулу, дене белсенділігін арттыру , ұйымшылдыққа тәрбиелеу және көңілді атмосферада спорттық жарыс өткізу. Ойынның барысында оқушылар «Жас қырандар» және «Жас тұлпарлар» тобына топтастырылды. Сайыс
І айналым «Доппен секіру»
ІІ айналым «Шармен секіру»
ІІІ айналым «Боулинг»
ІV айналым «Хоккей таяғымен допты алып жүгіру»
V айналым «Кольцомен қосарланып жүгіру»
VI айналым «Қатты картонды аяқтарына киіп жарысу»
бөлімдерінен құралып, әр айналым ұпаймен бағаланып отырды. Қазылар алқасы әр кезеңнің нәтижесіне қарап, қорытынды жасады. Сайыс соңында , оқушыларға тек биік шыңдарды бағындыруына сәттілік тілеп, мақтау қағаздарымен марапаттады.
