Отырар ауданы білім бөлімінің «Сейітқасым Әшіров атындағы жалпы білім беретін мектеп» коммуналдық мемлекеттік мекемесінің биология пәнінің мұғалімі С. Намыс 8 “А” сынып оқушыларымен “Экожүйелердің компоненттері. Су және құрлық экожүйесі” тақырыбында ашық сабағын өтті. Оқу мақсаты: экожүйелердің жалпы құрылымының сызбасын жасау, су және құрлық экожүйелерін салыстыру. Сабақ барысында ең алдымен ұйымдастыру кезеңінде оқушылар шеңберге тұрып «Досқа тілек » тәсілі арқылы сыныпта жағымды ахуал орнатты. Одан соң жасанды интеллекттің көмегімен онлайн платформада сыныпты 3 топқа бөліп, сабақ әрі қарай жалғасты. Үй тапсырмасын “Қораптар” тәсілі арқылы онлайн платформада сұрап, оқушылар бағаланды. Жаңа тақырыпты өтіп болған соң, сабақты пысықтау мақсатында 2 тапсырма берілді. Бірі интерактивті тақтада орындалса, екінші тапсырма дәптерге орындалып, әр топтың жұмысы тексеріліп,бағаланып, қатемен жұмыс жасалынды. Сабақтың барысында “Ұлттық ою-өрнек” биін билеп сергіту сәті жүргізілді. Сабақтың соңында әр оқушыға сұрақ қойып,бағаланып үйге тапсырма беріліп,кері байланыс алынды.
