«С.Әшіров атындағы жалпы білім беретін мектеп» коммуналдық мемлекеттік мекемесінде Республикалық «Гендерлік зорлық-зомбылыққа қарсы 16 күн белсенді іс-әрекет» іс-шараның жоспарына сәйкес бейнелеу өнері пәнінің мұғалімі Бекет Мәрзияның ұйымдастыруымен 09.12.2025 ж күні «Зорлық-зомбылыққа жол жоқ!» тақырыбында 2- 5 сынып оқушылары арасында сурет көрмесі өткізілді.
Көрменің мақсаты-оқушыларды адамгершілікке, мейірімділікке, бір-біріне құрмет көрсетуге тәрбиелеу, зорлық-зомбылықтың кез-келген түріне қарсы көзқарас қалыптастыру және қауіпсіз орта құрудың маңызын түсіндіру болды.
Іс-шараға оқушылар белсенді қатысып, «Достық», «Бірлік-біздің күшіміз», «Мейірімді жүрек», «Отбасындағы жылулық», «Зорлық-зомбылықсыз әлем» бағыттарында өз шығармашылықтарын ұсынды. Оқушылардың салған суреттері адам құқықтарын қорғау, татулықты насихаттауға бағытталған мазмұнымен ерекшеленді.
Сурет көрмесі барысында үздік жұмыстар іріктеліп, белсенді қатысқан оқушылар алғыс хаттармен марапатталды.
